Прэзідэнт ЗША Джо Байдэн прапанаваў выкарыстоўваць расійскія актывы, замарожаныя ў рамках санкцый, для дапамогі Украіне, паведамляе dziennik.pl. Кіраўнік амерыканскай дзяржавы просіць Кангрэс дазволу на павелічэнне сродкаў, якія выдзяляюцца Кіеву.
Ідзецца пра дадатковыя мільярды долараў на падтрымку ўзброеных сіл і эканомікі Украіны і дапамогу ўцекачам з гэтай краіны.
Прэзiдэнт ЗША таксама звяртаецца да кангрэсменаў з просьбай дазволіць ураду выкарыстоўваць даходы ад продажу замарожаных расійскіх актываў для кампенсацыі Украіне стратаў, якія дзяржава панесла ад пачатку расійскай агрэсіі.
У Белым доме пакуль адмаўляюцца паведаміць, якія менавіта сумы прэзідэнт Байдэн будзе прасіць кангрэсменаў для Украіны.
яс