Ля пасёлка Макараў у Бучанскім раёне Кіеўскай вобласці былі выяўленыя безыменныя магілы з целамі трох расстраляных мужчын. У пахаванні таксама былі выяўленыя дакументы адной з ахвяр, з якіх вынікае, што загінуў грамадзянін Чэхіі.
У паліцыі паведамілі, што 49-гадовы чэх да вайны працаваў ва Украіне дальнабойнікам, а з пачаткам вайны прыехаў у якасці валанцёра і з 3 сакавіка перастаў выходзіць на сувязь. Ён дапамагаў эвакуіраваць мірных жыхароў. У Чэхіі ў яго засталіся жонка і брат.
Агулам у Кіеўскай вобласці праваахоўнікі выявілі ўжо больш за 1,2 тысячы цел мірных жыхароў, забітых расійскімі акупацыйнымі войскамі.
radio.cz/unian/эж