Аператыўнае камандаванне «Поўдзень»: Разведгрупа разбіла падраздзяленне расійскіх дэсантных караблёў

Украінскае камандаванне таксама паведамляе, што берагі Чорнага мора пастаянна блакіраваны ВМС Расійскай Федэрацыі.

Харкаў, Украіна, 10 чэрвеня 2022 г.

PAP/EPA/SERGEY KOZLOV

За мінулыя суткі на паўднёвым участку фронту расіяне страцілі, як мінімум, 39 вайскоўцаў і не менш за 11 адзінак тэхнікі, паведамляе ўкраінскае Аператыўнае камандаванне «Поўдзень». Як паведаміў адзін з яго прадстаўнікоў, украінцы здолелі нанесці агрэсару значныя страты:

- Вораг вядзе баявыя дзеянні на занятых ім рубяжах абароны, не маючы магчымасці наступу на сушы, выкарыстоўвае верталёты. Нашыя, у сваю чаргу, нанеслі ўдар па групоўцы праціўніка пад Херсонам. Наш Су-27 нанёс удар па складзе боепрыпасаў і месца засяроджвання тэхнікі праціўніка каля Мікалаева. Падчас сухапутнай аперацыі нашая разведгрупа разбіла падраздзяленне расійскіх дэсантных караблёў.

Украінскае камандаванне таксама паведамляе, што берагі Чорнага мора пастаянна блакіраваны ВМС Расійскай Федэрацыі, якія абстрэльваюць тэрыторыю Украіны ракетамі «калібр». Ён падкрэслівае, што з пачатку вайны абаронцы паспелі збіць больш за 500 адзінак расійскай авіяцыі.

Генштаб Узброеных сіл Украіны таксама паведаміў, што за апошнія суткі армія адбіла 14 расійскіх нападаў. Былі знішчаны чатыры танкі, дзве артылерыйскія сістэмы, 11 бронеаўтамабіляў, чатыры беспілотнікі і склад боепрыпасаў.

IAR/аз