Расійскія войскі беспаспяхова спрабавалі весці наступальныя дзеянні на данецкім напрамку, паведаміў Аляксандр Штупун з Генштаба Узброеных сіл Украіны. Ён дадаў, што расіяне па-ранейшаму вядуць артылерыйскі агонь па горадзе Славянск і яго ваколіцах, але ўкраінская армія адбіла атаку і абясшкодзіла некалькі расійскіх дыверсійна-разведвальных груп:
- У Данецку расіяне засяроджваюць асноўныя намаганні ў накірунку Краматорска і Бахмута. У напрамку Краматорска яны спрабавалі палепшыць тактычную абстаноўку на Верхнакамянскім, атакуючы на розных напрамках. Украінскія вайскоўцы нанеслі ім вялікія страты, акупанты адступілі ў паніцы. Расійскія акупанты зноў паспрабавалі штурмаваць тэрыторыю Вуглягорскай ЦЭС, але безвынікова і са стратамі.
На франтах на валынскім, палескім і сяверсім напрамках сітуацыя не памянялася. На запарожскім напрамку расійскія войскі сістэматычна вялі абстрэл грамадзянскай і ваеннай інфраструктуры. У раёне Херсона ўзаемныя абстрэлы з ракетнай артылерыі і танкаў адбыліся па ўсёй лініі фронту.
Прэс-сакратар Генштаба таксама адзначыў, што ў вайсковых частках расійскіх акупацыйных войскаў усё часцей здараюцца выпадкі дэзерцірства і непадпарадкавання камандаванню.
IAR/аз