Такую здагадку выказалі прадстаўнікі паўднёвакарэйскіх уладаў пасля чарговага, сёмага за два тыдні выпрабавання паўночнакарэйскай ракеты.
Раніцай у нядзелю Пхеньян выпусціў дзве ракеты. Абедзве праляцелі адлегласць каля 350 кіламетраў на вышыні не больш за 100 кіламетраў, а затым упалі ў Японскае мора за межамі выключнай эканамічнай зоны Японіі.
Улады Паўночнай Карэі патлумачылі ракетныя выпрабаванні намаганнямі па самаабароне перад пагрозай ЗША. Пхеньян назваў сумесныя паўднёвакарэйска-амерыканскія вайсковыя вучэнні правакацыяй. Апошняе ядзернае выпрабаванне Паўночная Карэя правяла ў 2017 годзе.
Прадстаўнікі Паўднёвай Карэі падазраюць, што намеры аднавіць выпрабаванні могуць быць пацверджаны як цяперашнімі ракетнымі выпрабаваннямі, так і працяглай падрыхтоўкай на палігоне, які раней выкарыстоўваўся для гэтых мэтаў.
IAR /юл