Прэзідэнт Украіны Уладзімір Зяленскі падзякаваў Польшчы і Літве за падтрымку і за перадачу вайсковай тэхнікі, якая будзе накіраваная на змаганне з расійскімі захопнікамі. Аб пастаўках танкаў і зенітных сістэм прэзідэнты Анджэй Дуда і Гітанас Наўседа паведамілі падчас сустрэчы з Зяленскім у рамках так званага Люблінскага трохкутніка.
слухайце аўдыёфайл
Зяленскі, Дуда і Наўседа сустрэліся ў Львове ў сераду. Анджэй Дуда паведаміў пра тое, што афіцыйная Варшава перадасць Украіне роту танкаў Leopard-2 нямецкай вытворчасці, якія знаходзяцца на ўзбраенні Войска Польскага. У сваю чаргу Гітанас Наўседа паінфармаваў, што Вільня паставіць ва Украіну зенітныя сістэмы і сродкі СПА. Пры гэтым ён не ўдакладніў, пра якія сістэмы і сродкі ідзе мова.
вс