З 50 тысяч асуджаных, адпраўленых Расіяй на вайну з Украінай, на фронце засталіся толькі 10 тысяч, паведаміла арганізацыя «Русь сядзячая». Астатнія загінулі або дэзерціравалі. Праваабаронцы нагадваюць, што зняволеныя былі завербаваныя ў атрады наймітаў прыватнай ваеннай кампаніі, вядомай як «Група Вагнера».
Кіраўнічка ініцыятывы «Русь сядзячая» Вольга Раманава прызнала, што дакладнай інфармацыі пра лёс асуджаных, якія ваююць супраць Украіны, няма. Паводле апошніх звестак, у атрады наёмнікаў было прызвана каля 50 тысяч вязняў. Колькі з іх дэзерціравала, колькі склала зброю і здалася ўкраінцам, а колькі загінула – невядома. Аднак дадзеныя, якімі валодае ініцыятыва, сведчаць пра тое, што на фронце засталося толькі каля 10 тысяч асуджаных.
Вольга Раманава заявіла, што «Група Вагнера» абыходзіцца з вязнямі як з гарматным мясам і не вядзе статыстыку, уносячы ўсіх зніклых без вестак у спісы загінуўшых. Пра гэта сведчыць практыка перадачы сваякам пустых трунаў.
IAR/аз