Каардынатар санкцыйнай палітыкі Дзярждэпартамента ЗША Джэймс О'Браен і прадстаўнікі Еўрапейскага Звязу, алмазнай прамысловасці правялі кансультацыі аб магчымасці новых санкцый у дачыненні да Расіі, паведаміў Дзярждэпартамент, не ўдакладняючы пра канкрэтныя дамоўленасці.
У ходзе сустрэчы абмяркоўваліся «далейшыя крокі ў адносінах да імпарту расійскіх алмазаў», а таксама брыльянтаў. «Расія працягвае зарабляць мільярды долараў на гандлі дыяментамі, і абмеркаванне засяродзілася на найбольш эфектыўных і дзейсных спосабах спыніць гэтую плынь прыбыткаў», – гаворыцца ў афіцыйным паведамленні.
У Дзярждэпартаменце адзначылі, што ЗША і ЕЗ «застаюцца адданыя навязванню Расіі эканамічных выдаткаў» у сувязі з вайной ва Украіне.
pap/ez