У нядзелю УСУ падарвалі расійскія склады боепрыпасаў у акупаванай Расіяй частцы Херсонскай вобласці на поўдні Украіны. У вёсцы Рыкава пад Генічаскам раніцай некалькі гадзінаў было чуваць выбухі.
Абстрэл пацвердзілі ўкраінскія ўзброеныя сілы, у тым ліку камандуючы ВПС Украіны Мікалай Аляшчук, які паведаміў, што пацярпеў буйны расійскі склад боепрыпасаў.
«Партызаны гараць!» — напісаў ён у сваім Telegram, выкарыстоўваючы ранейшую назву вёскі. "Добрая праца, спадары! Больш агню!" - дадаў.
У сваю чаргу прэс-сакратар ВПС Украіны Юрый Ігнат выказаў здагадку, што напады ў Херсонскай вобласці маглі быць справай рук украінскіх партызан.
Вёска Рыкава знаходзіцца больш чым за 100 км ад мяжы тэрыторыі, якую кантралюе Украіна, выбухі таксама былі чутныя ў Скадоўску і Лазурным - гарадах, размешчаных на паўднёвым узбярэжжы Чарнамор'я Херсонскай вобласці, на поўнач ад Крымскага паўвострава.
IAR/нг