Зяленскі падкрэсліў, што ўсе ракеты «Калібр» і «Кінжал», выпушчаныя расіянамі па гарадах Украіны, знішчаныя.
У сваёй прамове, апублікаванай у сацсетках, украінскі лідар адзначыў, што, насуперак заявам расійскага боку, усе пускавыя ўстаноўкі Patriot па-ранейшаму спраўныя.
«Незалежна ад таго, хто ў Расіі сцвярджае, што нашы Patriot-ы знішчаныя, яны ўсё яшчэ тут, працуюць і збіваюць расійскія ракеты з максімальнай эфектыўнасцю. Ніводзін Patriot не знішчаны», – сказаў украінскі прэзідэнт.
Уладзімір Зяленскі дадаў, што ўкраінскія войскі павольна вяртаюць акупаваныя расіянамі тэрыторыі. Ён дадаў, што ход контрнаступлення паскорыцца па меры таго, як Украіна атрымае новую тэхніку ад заходніх саюзнікаў.
ПР/юл