Расія адхіліла запыт спецыяльнай гуманітарнай місіі ААН аб прадстаўленні ёй доступу ў затопленыя раёны на левым беразе Дняпра, якія кантралююцца расійскім войскам, гаворыцца ў заяве каардынатара ААН па Украіне Дэніз Браўн.
«Нельга адмаўляць у дапамозе людзям, якія маюць у ёй патрэбу. ААН працягне рабіць усё, што можа для падтрымкі ўсіх людзей, – у тым ліку пацярпелых у выніку нядаўняга разбурэння дамбы, – якім тэрмінова патрэбна жыццёва неабходная дапамога, дзе б яны ні знаходзіліся», - гаворыцца ў заяве.
8 чэрвеня міністр замежных спраў Украіны Дзмітрый Кулеба і Дэніз Браўн дамовіліся аб тым, што ААН у экстраным парадку сфарміруе каманды для адпраўкі ў розныя раёны затопленых тэрыторый для аказання гуманітарнай дапамогі пацярпелым жыхарам абодвух берагоў Дняпра.
13 чэрвеня ў ААН заявілі, што групы сфарміраваны і гатовы выехаць у акупаваную частку Херсонскай вобласці, але Масква не дае гарантый бяспекі для наведвання акупаваных тэрыторый.
У нядзелю МУС Украіны заявіла, што ахвярамі паводкі на кантралюемай Украінай тэрыторыі сталі 17 чалавек. Кіраўнік прызначанага Масквой акупацыйнага «урада Херсонскай вобласці» Аляксеенка паведаміў, што загінула 35 чалавек.
юл