Украінскія беспілотнікі атакавалі Маскву. Гэта чарговая атака ўкраінскіх беспілотнікаў на расійскую сталіцу. Украінскія ўдары – гэта адказ на пастаянныя атакі расійскіх беспілотнікаў па грамадзянскіх аб'ектах.
Пра атаку ўкраінскіх беспілотнікаў на Маскву паведамілі ўлады расійскай сталіцы. Адзін з БПЛА ўдарыў у будынак, размешчаны ў офісным цэнтры Масква-Сіці.
На думку ўкраінскага вайсковага эксперта Аляксандра Мусіенкі, украінскія атакі на Маскву маюць псіхалагічнае значэнне. Паводле яго заявы ў эфіры ўкраінскага тэлебачання 1+1, напады зʼяўляюцца часткай псіхалагічнай вайны. Яны выклікаюць паніку ў расіян, аднак, як дадаў эксперт, не ў той ступені, як хацеў бы ўкраінскі бок.
Пры гэтым самі ўкраінцы змагаюцца з пастаяннымі атакамі расійскіх беспілотнікаў. Расіяне выкарыстоўваюць іранскія дроны Шахід. За ноч украінская абарона збіла 11 з 20 такіх БПЛА. Украінскія ўлады паведамляюць пра пашкоджанні, атрыманыя ад удараў беспілотнікаў у Адэскай вобласці. Пацярпела інфраструктура для захоўвання і перагрузкі збожжа.
IAR/нг