У Сафіі працягваецца саміт краінаў Трохмор'я

Еўрапейскія лідары прынялі сёння Сафійскую дэкларацыю аб бягучым супрацоўніцтве.

А. Дуда і Р. Радзеў, Сафія, 8 ліпеня 2021 года

Крыніца: PAP/Andrzej Lange

Лідары краінаў Цэнтральнай Еўропы абяцаюць супрацоўніцтва па аднаўленні эканомік пасля пандэміі. У Сафіі адбываецца другі дзень саміту краінаў Трохморʼя. У Балгарыю прыехалі прадстаўнікі дванаццаці краін нашага рэгіёну, у тым ліку прэзідэнт Польшчы Анджэй Дуда, а таксама знешнія партнёры ініцыятывы – у прыватнасці, з Нямеччыны, Грэцыі, Японіі, Вялікай Брытаніі і ЗША.

Адной з тэм перамоваў зʼяўляецца барацьба з крызісам, выкліканым пандэміяй. Гаспадар саміту, прэзідэнт Балгарыі Румен Радзеў гаварыў на адкрыцці другога дня саміту, што краіны рэгіёна павінны выкарыстоўваць інструменты Еўрапейскага Звязу:

-Вельмі важна, каб мы дасягнулі сінэргіі са стратэгічнай праграмай Еўрапейскага Звязу, з праграмай аднаўлення ў трансатлантычным партнёрстве.

Еўрапейскія лідары прынялі сёння Сафійскую дэкларацыю аб бягучым супрацоўніцтве. У прэзідэнта Анджэя Дуды на сёння запланавана двухбаковая сустрэча з Руменам Радзевым. Учора польскі лідар правёў перамовы з прэзідэнтам Грэцыі Катэрынай Сакелярапулю.

iar/эж