НАТА і Еўрасаюз ствараюць аператыўную групу па абароне крытычнай інфраструктуры. Пра гэта заявілі старшыня Еўракамісіі Урсула фон дэр Ляен і Генеральны сакратар Паўночнаатлантычнага альянсу Енс Столтэнберг.
Сёння ў Бруселі кіраўнік НАТА ўдзельнічае ў сумеснай сустрэчы з камісарамі ЕС, прысвечанай пытанням бяспекі. Старшыня Еўракамісіі заявіла, што леташняя дыверсія на газаправодзе Nord Stream паказала, што ЕС і НАТА павінны быць гатовыя супрацьстаяць новым пагрозам.
Адсюль і ўзнікла ідэя стварэння сумеснай экспертнай групы. Пачаткова яна зоймецца абаронай крытычна важнай інфраструктуры ў транспартнай, энергетычнай, лічбавай і касмічнай сферах.
IAR/аз