Французскі прэмʼер Себасцьян Лекорню абвясціў у аўторак, што каменданцкая гадзіна, уведзеная ў некаторых раёнах краіны, спрыяла спакою мінулай ноччу. Ён абвясціў, што такія ж абмежаванні будуць уведзеныя там, дзе гэта неабходна.
— Сёння ўвечары будзе прынята рашэнне аб далейшых каменданцкіх гадзінах, дзе гэтага патрабуе сітуацыя. Рашэнні будуць прымацца (...) прэфектамі ў каардынацыі з мэрамі, — напісаў Лекорню на сайце X.
Пазней у аўторак штодзённая газета Le Figaro паведаміла, што ў некаторых раёнах Марселя — другога па велічыні горада Францыі — будзе ўведзена каменданцкая гадзіна для непаўналетніх. Яна павінна ўступіць у сілу ў 22:00 у аўторак і скончыцца ў 5:00 у сераду. Яна будзе дзейнічаць да пятніцы.
Крыніца ў паліцыі, на якую спасылаецца «Le Figaro», дадала, што ў іншых муніцыпалітэтах дэпартамента Буш-дзю-Рон таксама будзе ўведзена каменданцкая гадзіна.
У ноч з панядзелка на аўторак абмежаванні дзейнічалі, сярод іншага, у двух раёнах Парыжа і адным раёне Ліёна. У Бардо з аўторка па 10 сакавіка будзе дзейнічаць тыднёвая каменданцкая гадзіна для непаўналетніх без суправаджэння дарослых.
У мінулую суботу дэманстрацыі па ўсёй Францыі супраць высокіх цэн, перараслі ў беспарадкі. Злачынцы нападалі на грамадскія будынкі і рабавалі крамы і камерцыйныя ўстановы. Сутыкненні з паліцыяй і спробы рабавання адбыліся ў нядзелю ў Парыжы і Марселі; паліцэйскія сілы не змаглі ўсюды спыніць гэтыя напады.
ПР/юл