Патрэба фізічнай актыўнасці, свежага паветра ды перамяшчэння засталіся з намі, нягледзячы на абмежаванні ды закрыццё шматлікіх месцаў сацыяльнай актыўнасці. Аказалася, лекам на гэты боль чалавека ў пандэміі стаў добра вядомы ўжо многім пакаленням сродак транспарту – ровар. Як змяніліся прывычкі людзей і чаму менавіта на двух колах сваё здароўе абапірае сёння столькі людзей? Падрабязнасці даведаўся Альберт Ежы Вяжбіцкі.
Новая рэчаіснасць, у якой апынуліся ледзь не ўсе жыхары нашай планеты, прымусіла нас змяняць некаторыя прывычкі. Зачыненыя межы спрычыніліся да таго, што многія не выехалі на адпачынак у апошнім годзе. У выніку закрыцця спартзалаў, басейнаў і іншых спартовых пляцовак мы сталі менш актыўнымі. Урэшце страх перад вірусам скараціў колькасць пасажыраў грамадскага транспарту і людзі ўсё радзей пачалі карыстацца аўтобусамі, трамваямі ды метро. Адказам на ўсе гэтыя праблемы сталі альтэрнатыўныя, індывідуальныя сродкі транспарту. Хуткімі тэмпамі развіваецца мікрамабільнасць. Пошукі альтэрнатыўных спосабаў падарожжаў, трэніровак ды транспарту прывялі да таго, што ўладальнікі роварных крамаў выпілі ў 2020 годзе не адно шампанскае. «На рынку ровараў і аксесуараў пануе сапраўдны неўраджай», – кажа галоўны рэдактар часопісу “Bike” Гжэгаж Радзіваноўскі:
-Гэта відавочна, што папулярнасць ровараў паднялася. Гэта вынікае з таго, што пандэмія спрыяе роварам. Людзі пачалі больш ездзіць, каб, з аднаго боку, пабываць на свежым паветры, з іншага, каб пазбягаць грамадскага транспарту. Ровар ідэальны для такіх мэтаў. Сітуацыя мае і другі бок: папулярнасць спрычыняецца да праблемаў з даступнасцю абсталявання. На цяперашні момант на рынку пануе сапраўдны неўраджай. Ровараў няма ўвогуле, або іх вельмі цяжка знайсці. Гэта досыць абсурдна, але гэта адна з нямногіх галін, якая не паспявае выпускаць абсталяванне. Гэта даводзіць да такіх сітуацый, што людзі шукаюць проста любы ровар, не прывязваюць увагі да размеру, брэнду або цаны. Ці гэта поспех? Безумоўна. І нішто не прадвяшчае хуткага канца гэтага феномену.
У некаторых краінах разам з пачаткам абмежаванняў быў уведзены абавязак трымаць дыстанцыю між людзьмі. Некаторыя гарады адначасова прынялі меры па дастасаванні гарадской інфраструктуры да новых трэндаў. Так, напрыклад, у горадзе Сіэтл у ЗША зачынілі 20 кіламетраў дарог і замянілі іх у тратуары ды веладарожкі. У Мілане дадаліся дадатковыя паласы дарогі, выключна для двухколавых удзельнікаў руху. Гэта поўнасцю згодна з сучаснымі трэндамі ва ўрбаністыцы. Гарады становяцца больш экалагічнымі ды прыязнымі для развіцця лакальных супольнасцяў коштам дарожнай інфраструктуры. Роварныя паласы і веладарожкі пачалі з’яўляцца на фоне пустых вуліц і сродкаў грамадскага транспарту. Гжэгаж Радзіваноўскі лічыць, што гэты трэнд звязаны з агульнай тэндэнцыяй прыстасоўвання гарадоў да ровараў і сродкаў мікрамабільнасці:
-Думаю, што зараз у гарадоў больш клопатаў, напрыклад, сацыяльныя праграмы. Ровары жывуць сваім жыццём. Канешне, развіваецца інфраструктура, але гэта хутчэй за ўсё не мае сувязі з пандэміяй. Тым больш, што розныя праграмы і фонды распрацоўваліся яшчэ да пандэміі.
Папулярнасць новых сродкаў транспарту – адна з нямногіх пазітыўных з’яваў пандэміі. Гэта можа паўплываць на тое, што людзі, якія дагэтуль трэнаваліся ў спартзалах, туды не вернуцца. Таксама больш папулярным можа стаць велатурызм, рэйды ды агулам усе актыўнасці, звязаныя з двухколавымі сродкамі транспарту. Пандэмічны «роварны бум» супаў з развіццём прадукцыі электрычных веласіпедаў. Многія кампаніі, як амерыканская VanMoof заявіла, што за 2020 год іх продаж павялічылася ў шэсць разоў! Іншыя кампаніі ды інтэрнэт-крамы пастаянна анансуюць, што той або іншай часткі ці аксесуару няма і трэба чакаць новых даставак. Колькі будзе трываць гэты «бум»? Паводле нашага эксперта, напэўна людзі застануцца пры роварах пасля таго, як усё астатняе вернецца да старых звычак:
-Хутчэй за ўсё гэта будзе так, што тыя, хто зараз выбірае ровар, застанецца пры сваім выбары. Дадаткова, папулярнасць здабываюць электрычныя ровары, якія дазваляюць пачаць сваю прыгоду тым, хто не адчувае сябе камфортна ў фізічным плане карыстання роварам. Гэта новы від раварыстаў, якія не мусяць трэніравацца, а проста глядзяць на гэты сродак з ужытковага боку. Так што ўсё паказвае, што гэтая новая група карыстальнікаў застанецца і трэнд утрымаецца.
На календары ўжо люты і неўзабаве ўсё больш людзей пачне з’яўляцца на нашых вуліцах у касках ды сонцаахоўных акулярах. І гэтай вясной іх можа быць яшчэ больш, чым летась. Калі Вам цікава, то прайдзіцеся ў лакальную краму з роварамі, запытайцеся, наколькі павялічылася папулярнасць гэтага сродка транспарту і чаго чакаюць самыя прадаўцы. Можа ў выніку і вы вырашыце купіць сабе адну штуку і актыўна ўвайсці ў новы год.