Партал Money.pl піша пра тое, што ў польскім Сейме разглядаюцца змены ў Закон аб правілах дарожнага руху. У прыватнасці, звяртаецца ўвага на бяспеку перамяшчэння транспарту, які мае прывілеі ў руху. Гэта, для прыкладу, карэты хуткай дапамогі, пажарныя машыны, аўтамабілі паліцыі альбо ўрадавыя калоны.
І так, прапануецца, каб згаданыя транспартныя сродкі аснаджаліся б спецыяльным радыёперадатчыкам, які б высылаў галасавы сігнал кшталту «Увага! Транспартны сродак з праблесковым маячком! Будзьце асцярожны!». Галасавая абвестка будзе гучаць па радыё ў аўтамабілях, якія знаходзяцца на трасе побач. Калі кіроўца будзе, для прыкладу, слухаць радыё, то перадача будзе аўтаматычна перарваная абвесткай са спецстранспартнага сродка. Больш за тое, калі радыёпрыёмнік будзе ў аўто выключаны, то сігнал са спецсродка яго ўключыць, каб прагучала галасавая абвестка.
Праект зменаў у Закон аб правілах дарожнага руху ўжо гатовы. Неўзабаве ён паступіць на разгляд дэпутатаў, паведамляе партал Money.pl.
вс