Агульнанацыянальную кампанію па догляду за ўкраінцамі каардынуе Цэнтральная клінічная бальніца ў Лодзі. Да яе далучыліся ўсе дзіцячыя анкалагічныя дыспансеры і некалькі фондаў.
Сёння ў дзіцячую клінічную бальніцу ў Беластоку трапілі двое хлопчыкаў з Украіны.
Дзецям 4 і 17 гадоў. Яны ў працэсе лячэння лейкозу. Хлопцы прыехалі са шпіталя ў Львове. Доктар Луцыя Даковіч з Педыятрычнай анкалагічнай клінікі ў Беластоку кажа, што дзеці ў здавальняючым стане. Разам з імі іх маці. У шпіталі яны застануцца некалькі месяцаў і пройдуць хіміятэрапію. У перапынках паміж этапамі ўвядзення прэпаратаў пацыентам іх будуць выпускаць са шпіталя. Дзеці забяспечаныя доглядам. Маці пасялілі ў інтэрнаце Медычнага універсітэта ў Беластоку, корміць іх адзін з рэстаранаў пад Беластокам.
Доктар Луцыя Даковіч зазначае, што клініка гатова прымаць больш пацыентаў з Украіны.
яс/Рэната Рэда