Мільёны ўкраінак распачалі самае складанае падарожжа ў сваім жыцці – уцёкі ад вайны

 За 12 дзён вайны ад рук рускіх акупантаў ужо загінула каля 40 дзяцей.

Эвакуацыя з Кіева, 5 сакавіка 2022 г.

PAP/EPA/ZURAB KURTSIKIDZE

8 сакавіка адзначаецца Міжнародны жаночы дзень. Тысячы ўкраінак сустракаюць яго са зброяй у руках, даючы годны адпор рускім захопнікам. А мільёны ўкраінак разам са сваімі дзецьмі, ратуючыся ад рускіх бамбёжак, кінулі ўсё папярэдняе жыццё і накіраваліся ў самае складанае падарожжа свайго жыцця – яны ўцякаюць ад вайны, ад бомаў, якія пагражаюць іх жыццю і жыццю іх дзяцей. Такіх ужо больш за 2 млн. Валянціна прыгадала эвакуацыйны цягнік з Запарожжа да Львова:

-На адной паліцы было восем чалавек. Дзеці спалі ў нагах. Я спала на паліцы, мая двухгадовая дачка Ульяна – на падлозе, яна плакала і не хацела спаць на паліцы. Ёй было страшна. Мой сямігадовы сын Вова спаў на верхняй паліцы з двума іншымі дзецьмі. Было вельмі душна, не хапала вады. Мы налівалі кіпень, астуджвалі і потым ужо пілі. Усе пілі з адной бутэлькі, нікому не было справы да санітарных нормаў. У тамбуры людзі палілі цыгарэты, было цяжка дыхаць. Адну жанчыну ванітавала. Мы сядзелі ў станіках, Адна жанчына проста абвязалася кофтай. На вакзале ў Львове нас адразу ж сустрэлі валанцёры. Яны давалі нам бісквіты, печыва і ваду. Там стаялі палаткі, дзе раздавалі бутэрброды.(...)

Валянціна, яе двугадовая дачка Уля і сямігадовы сынок Вова ў бяспецы. Але рускі працягваюць бамбіць украінскія гарады, кіруючы ракеты і снарады ў жылыя будынкі, дзіцячыя садкі, школы і лякарні. За 12 дзён вайны ад рук рускіх акупантаў ужо загінула каля 40 дзяцей.

Слухайце аўдыё!

эж