Міністэрства абароны Вялікабрытаніі: Расія не ў стане размясціць значныя сілы ў Беларусі

Заява аб стварэнні сумеснай расійска-беларускай вайсковай групоўкі – гэта хутчэй спроба пераканаць Украіну накіраваць войскі на паўночную мяжу.

У. Пуцін

PAP/EPA/MIKHAEL KLIMENTYEV / SPUTNIK / KREMLIN POOL

Заява аб стварэнні сумеснай расійска-беларускай вайсковай групоўкі – гэта хутчэй спроба пераканаць Украіну накіраваць войскі на паўночную мяжу, бо Расія не ў стане размясціць заяўленыя сілы ў Беларусі, заявілі ў брытанскім Міністэрстве абароны.

У штодзённай звестцы выведкі напісана, што 14 кастрычніка Аляксандр Лукашэнка заявіў аб стварэнні новай расійска-беларускай групоўкі войскаў з удзелам 70 тысяч беларускіх вайскоўцаў і да 15 тысяч расійскіх, а на наступны дзень улады ў Мінску апублікавалі відэа, на якім паказалі, паводле іх, прыбыццё расійскіх войскаў у Беларусь.

«Аднак пакуль малаімаверна, што Расія сапраўды ўвядзе ў Беларусь значную колькасць дадатковых войскаў. Расія наўрад ці зможа стварыць баяздольныя злучэнні заяўленага памеру, яе сілы задзейнічаны ва Украіне. Гэта спроба прадэманстраваць расійска-беларускую салідарнасць і пераканаць Украіну накіраваць сілы для аховы паўночнай мяжы», – ацаніла выведка Вялікабрытаніі.

ав