Пачаліся сумесныя манеўры, якія праходзяць у рамках Aviation Detachment Rotation, у іх таксама прымаюць удзел брытанскія і нямецкія самалёты.
Пілоты будуць інтэнсіўна трэніравацца да 30 красавіка. Падчас вучэнняў будуць адпрацоўвацца сцэнарыі дазапраўкі ў паветры з брытанскага танкера KC-135 і каардынаванне місіі з папераджальным самалётам AWACS.
Прэс-сакратар Пентагона Джон Кірбі заявіў, што прылёт у Польшчу знішчальнікаў F-15 і F-16, як і транспартных самалётаў C-130 з'яўляецца часткай звычайных вучэнняў. Падчас прэс-канферэнцыі ў Вашынгтоне Кірбі запэўніў, што прысутнасць амерыканскіх машын у Польшчы не звязана з сітуацыяй на расійска-украінскай мяжы.
Пентагон абвясціў, што ў Польшчу прыбылі знішчальнікі F-15 з базы Лакенхіт у Англіі ды знішчальнікі F-16 і Супер Геркулес C-130, размешчаныя на базах Шпангдалем і Рамштайн у Германіі.
Прадстаўнік Пентагона растлумачыў, што манеўры прызначаны для рэалізацыі аператыўных і баявых магчымасцей на працягу вельмі абмежаванага перыяду часу. Камандуючы амерыканскімі ВПС у Еўропе генерал Джэфры Л. Харыгіян выступіў з заявай, у якой падкрэсліў, што магчымасць сумесных вучэнняў з польскімі саюзнікамі надзвычай каштоўная і надзвычай важная для амерыканцаў.
Прадстаўнік Пентагона падкрэсліў, што канцэнтрацыя расійскіх сіл на мяжы з Украінай не служыць стабільнасці і бяспецы рэгіёна.
ПР/юл