26 верасня, у суботу ў Мінску каля Камароўскага рынку прайшоў ужо традыцыйны Жаночы марш. Жыхаркам беларускай сталіцы сабрацца перашкаджалі сілавікі, якія пад'язджалі да натоўпу ў бусах, выхоплівалі выпадковых удзельнікаў марша, адбіралі сцягі. Брутальна забралі сцяг і ў Ніны Багінскай, якая была сярод удзельніц акцыі. Яна кінулася ратаваць сцяг і апынулася ў бусе людзей у балаклавах.
У параўнанні з папярэднімі Жаночымі маршамі сённяшняя акцыя сабрала значна менш удзельнік. Тэлеграм-супольнасць Беларусі напярэдадні маршу назвала яго «рэпетыцыяй» заўтрашняй «інагурацыі Святланы Ціханоўскай».
На дадзены момант вядома як мінімум пра дзесяць затрыманых мірных дэманстрантаў.
эж