Дэпутат па 51-й Цэнтральнай выбарчай акрузе ў Гродне Лілія Кір’як дала выбарцам новыя абяцанні: запрасіць выніковыя пратаколы на прэзідэнцкіх выбарах у сваёй акрузе і даведацца ці ўзбуджаны крымінальныя справы да супрацоўнікаў міліцыі, якія ўжывалі насілле ў дачыненні да мірных дэманстрантаў.
Абмяркоўваліся найбольш набалелыя пытанні: папраўкі ў артыкул 23.34 паводле якога судзяць усіх дэманстрантаў. Выабарцы патрабавалі, каб дэпутат выступіла не за больш жорсткія меры пакарання, а наадварот за спрашчэнне працэдуры ўзгаднення масавых мерапрыемстваў. Папраўкі дэпутат не падтрымала і параіла выбарцам сабраць 50 тысяч подпісаў і самастойна рэалізаваць ідэю.
У той самы час паабяцала правесці справаздачную сустрэчу, запрасіць выніковыя пратаколы на прэзідэнцкіх выбарах у сваёй акрузе і даведацца ці ўзбуджаны крымінальныя справы да супрацоўнікаў міліцыі, якія ўжывалі насілле ў дачыненні мірных дэманстрантаў.
Юрыст Дзмітрый Салаш, які прысутнічаў на праёме дэпутата лічыць, што нейкія зрухі адбываюцца, але асаблівых спадзяванняў на абяцанні ён не мае. «Нейкае дваякае адчуванне. З аднаго боку думка аб тым, што патрэбна дэцэнтралізацыя ўлады ў іх ёсць і яны гэта абмяркоўваюць. Але з іншага боку – яны нечага баяцца».
Алесь Завіноўскі