АБСЕ ўключыцца ў дапамогу палякам у Беларусі

Такую заяву зрабіла кіраўнік арганізацыі Хельга Шмід у гутарцы з прэзідэнтам Польшчы Анджэем Дудам.

.

OBWE

АБСЕ мае намер аказаць дапамогу палякам у Беларусі. Такую заяву зрабіла кіраўнік арганізацыі Хельга Шмід у гутарцы з прэзідэнтам Польшчы Анджэем Дудам. Размова палітыкаў адбылася ў Прэзідэнцкім палацы ў Варшаве.

Прэзідэнцкі міністр Кшыштаф Шчэрскі паведаміў у гутарцы з Польскім радыё, што генеральны сакратар АБСЕ заявіла аб магчымай дапамозе па гэтым пытанні:

-Хельга Шмід запэўніла, што АБСЕ выкарыстае ўсе магчымыя каналы для дапамогі палякам у Беларусі. Зараз ужо актыўна вядзецца праца па дыпламатычных каналах, у тым ліку па ліні Парламенцкай асамблеі АБСЕ і Высокага камісара па справах нацыянальных меншасцяў.

Месяц таму былі арыштаваныя лідары польскай меншасці ў Беларусі, у тым ліку старшыня Саюза палякаў у Беларусі Анжэліка Борыс і Анджэй Пачобут. Іх абвінавацілі ў распальванні нацыянальнай варажнечы. Цяпер за кратамі ў Беларусі па палітычных матывах знаходзіцца пяць польскіх актывістаў.

iar/эж