Яшчэ адзін пратакол за бел-чырвона-белы сцяжок у машыне. У Гродне ўжо другі выпадак, калі міліцыя складае пратакол за бел-чырвона-белы сцяжок у прыватным аўтамабілі.
Чарговым затрыманым за бел-чырвона-белы сцяжок у машыне стаў фатограф-фрылансер Валерый Юдзін.
Яго спынілі раніцай, калі ён ехаў на ўласным аўтамабілі на працу. У міліцыі склалі пратакол за правядзенне адзіночнага пікету. Дамоў Юдзіна не адпусцілі, а затрымалі на 72 гадзіны. Калі адбудзецца суд – невядома.
Валеры Юдзін працаваў фатографам у часопісе «Твой горад Гродна». За сцяжок у машыне месяц таму быў асуджаны гродзенец Мікола Лемяноўскі на 3840 рублёў.
Алесь ЗАВІНОЎСКІ