Паводле плану, спыняцца ўсе буйныя дзяржаўныя прадпрыемствы, а сотні тысяч рабочых выйдуць з палітычнымі патрабаваннямі.
Старшыня Беларускага аб'яднання рабочых, былы лідар стачкі МТЗ Сяргей Дылеўскі заяўляе, што ідзе падрыхтоўка на заводах. Пра дакладны дзень забастоўкі Дылеўскі не кажа:
- Мы далі сабе задачу, ні ў якім выпадку не паведамляць пра старт забастоўкі ў дакладны дзень, напрыклад 5 жніўня. Людзі самі для сябе павінны вырашыць, калі яны гатовыя. Першапачатковая задача: заяўляць пра пачатак страйку толькі тады, калі мы будзем сапраўды бачыць, што 2/3 працоўнага насельніцтва гатовыя да забастоўкі.
Інфармацыя на заводах перадаецца ў вуснай форме, адзначыў Сяргей Дылеўскі.
яс