84-гадовы Бірман напісаў, што 5 кастрычніка ў Франкфурце-на-Майне ён прыме ўзнагароду, каб у «самыя сціслыя тэрміны» перадаць яе Калеснікавай. «Як бы высока мы ні шанавалі музыку і змагара за свабоду, гэта наўрад ці зможа вызваліць Марыю. Калі я прысвячу ёй маю песню «Ermutigung» і заспяваю яе, то гэта будзе ежай для яе душы і яе аднадумцаў за кратамі» – напісаў ён.
Вольф Бірман быў праваабаронцам і крытыкам рэжыму ў ГДР. У лістападзе 1976 года ўлады ва Усходнім Берліне пазбавілі яго грамадзянства.
Прэмія імя Авідзія прысуджаецца ПЭН-цэнтрам нямецкамоўных аўтараў за мяжой раз на два гады.
ав/DW