Прафілактычныя медагляды прыпыніць, на канферэнцыі – толькі прышчэпленым. Учора Міністэрства аховы здароўя Беларусі выдала распараджэнне, якое тычыцца пытанняў арганізацыі меддапамогі пацыентам з каранавірусам, піша zerkalo.io.
У дакуменце ідзе гаворка пра наступныя пункты:
Бальніцам дазволілі самастойна прымаць рашэнні аб прыпыненні і (або) аднаўленні планавай шпіталізацыі пацыентаў, з улікам наяўнай эпідсітуацыі і сваіх магчымасцяў;
Распарадзіліся прыпыніць правядзенне прафілактычных медаглядаў за выключэннем некаторых, пералічаных ў інструкцыі Міністэрства аховы здароўя № 74 ад 29 ліпеня 2019 году;
Удзельнічаць у вочных семінарах, канферэнцыях, з'ездах можна толькі спецыялістам, якія атрымалі поўны курс вакцынацыі супраць COVID-19 і якія маюць сертыфікат або даведку;
Для медыкаў зацвердзілі інструкцыю аб парадку падачы кіслароду пацыенту з дапамогай назальных канюль або кіслароднай маскі.
Нагадаем, 14 верасня Міністэрства аховы здароўя паведамляў, што ў Беларусь прыйшла чарговая хваля COVID-19. З 23 жніўня ў Беларусі штодня фіксуецца больш за 1000 выпадкаў заражэння каранавірусам.
ав