14 кастрычніка ў Польшчы адзначаюць Дзень нацыянальнай адукацыі. Гэтае свята было ўсталяванае як Дзень настаўніка ў 1972 годзе. У 1982 годзе яго перайменавалі на Дзень нацыянальнай адукацыі, які ахоплівае не толькі настаўнікаў, але і ўсіх работнікаў польскай адукацыі – сярэдняй і вышэйшай.
Міністр нацыянальнай адукацыі Дар’юш Пянткоўскі ўручыў сёння Залатыя медалі за шматгадовую працу, Медалі Камісіі нацыянальнай адукацыі, ганаровыя тытулы прафесара асветы і ўзнагароды міністра.
Міністр казаў, што прафесія настаўніка з’яўляецца асаблівай:
- Настаўнік павінен быць асобай, якая не толькі здабыла веды, але і ўмее прыстасавацца да зменаў у свеце. Гэта не лёгкая задача. Я ведаю, што бывае момант, калі мы стомленыя. І добра, што ёсць такія дні як сённяшні, калі ўсе не толькі засяроджваюцца на школе, але і звяртаюць увагу на працу настаўніка.
Агулам медалі, тытулы і ўзнагароды атрымалі 66 чалавек.
ав