У ваенных вучэннях «Анаконда – 2020», якія пачынаюцца сёння, прыме ўдзел 5 тыс. ваеннаслужачых, паведаміла Міністэрства нацыянальнай абароны Польшчы.
Манёўры былі крыху мадыфікаваныя і абмежаваныя, у тым ліку па асабоваму складу, у сувязі з эпідэміяй каранавіруса, аднак, як зазначае Мінабароны, рашэнне аб іх адмене не прымалася, паколькі «польскі салдат павінен пастаянна ўдасканальваць свае магчымасці і заўсёды быць гатовым да дзеяння».
Вучэнні «Анаконда – 2020» – найбуйнейшыя манёўры Войска Польскага, якія праходзяць кожныя два гады пачынаючы з 2006 года. Акрамя польскай арміі, у іх прымаюць удзел салдаты і афіцэры з 10 краін НАТА.
Сцэнарый вучэнняў прадбачыць рэагаванне арміі на гібрыдныя пагрозы і спробу дэстабілізацыі сітуацыі ў краіне.
Падчас папярэдніх вучэнняў, якія прайшлі ў 2018 годзе, у іх прыняло ўдзел 17 тыс. 500 вайскоўцаў.
вс