Міністр аховы здароўя заявіў пра змены ў арганізацыі галасавання падчас другога тура прэзідэнцкіх выбараў у Польшчы.
У эфіры TVP Info Лукаш Шумоўскі (Łukasz Szumowski) паведаміў, што ў сувязі з чаканай высокай яўкай і складанымі ўмовамі надвор’я, некаторыя групы людзей змогуць увайсці ў выбарчы ўчастак без чаргі.
- Мы хочам, каб асобы старэйшыя за 60 гадоў, цяжарныя жанчыны, бацкі з дзецьмі да трох гадоў, а таксама людзі з абмежаванымі магчымасцямі мелі права галасаваць без чаргі і не падвяргацца розным атмасферным умовам. Гэта, безумоўна дапаможа.
Лукаш Шумоўскі дадаў, што чэргі перад выбарчымі ўчасткамі ў першым туры вывараў вынікалі не толькі з таго, што многія палякі хацелі прагаласаваць, але таксама з неабходнасці захавання дзеючага санітарнага рэжыму, напрыклaд, прынцыпу захавання дыстанцыі.
Нагадваем, другі тур прэзідэнцкіх выбараў адбудзецца 12 ліпеня.
аз