З кіраўнікамі ўрадаў сустрэнецца таксама прэзідэнт Анджэй Дуда.
Саміт прэм’ераў V4 папярэдзяць двухбаковыя перамовы прэм’ера Матэвуша Маравецкага і новага кіраўніка славацкага ўраду Ігара Матавіча.
Прэс-сакратар ураду Пётр Мюлер сказаў Польскаму радыё, што мэты польскай прэзідэнтуры ў Вышаградскай групе звязаныя з перамовамі на тэму еўразвязаўскага бюджэту і Фондам адбудовы Еўропы пасля крызісу, выкліканага пандэміяй:
-Гэта ясныя мэты: каб дамагчыся справядлівага падзелу сродкаў, які будзе браць пад увагу цяперашні ўзровень дабрабыту, зарплат у Цэнтральна-Усходняй Еўропе, даходу на асобу. Таму запрапанаваны падзел атрымаў уступную згоду Вышаградскай групы.
Прэс-сакратар дадаў, што нягледзячы на розніцы, таксама ў рамках Вышаградскай групы, знойдзена паразуменне ў самых важных справах.
Сённяшняя сустрэча прэм’ераў – гэта не адзіныя размовы на высокім палітычным узроўні ў рамках V4. У аўторак у Вадавіцах сустракаюцца міністры замежных спраў Польшчы, Чэхіі, Венгрыі і Славакіі.
ав