У аўторак, 20 кастрычніка, пераможца прэзідэнцкіх выбараў у Беларусі Святлана Ціханоўская наведвае Варшаву. Раніцай Святлана Ціханоўская правяла перамовы з мэрам польскай сталіцы Рафалам Тшаскоўскім.
Падчас перамоваў нацыянальная лідарка і варшаўскі граданачальнік абмеркавалі магчымасць стварэння дадатковых стыпендыяльных праграмаў для беларусаў, а таксама магчымасць трэнавання для беларускіх спартоўцаў, якія трапілі пад рэпрэсіі з боку рэжыму Лукашэнкі.
Акрамя таго, Святлана выказала падзяку за падтрымку беларусаў з боку польскага ўрада, дыяспары, а таксама Цэнтру беларускай салідарнасці і Беларускага дома.
Пасля абеду запланавана сустрэча прадстаўнікоў дзяржаўнай улады Польшчы, акадэмічнай супольнасці і Святланы Ціханоўскай. Перамовы пройдуць у Цэнтры беларускай салідарнасці, пра мэты сустрэчы гаворыць прадстаўнік Цэнтру беларускай салідарнасці ў Варшаве.
На сённяшні вечар запланавана сустрэча Ціханоўскай з прэм’ер-міністрам Польшчы Матэвушам Маравецкім. Ціханоўская ўручыць Маравецкаму дакумент, у якім утрымліваюцца дакладныя прапановы па падтрымцы тых беларусаў, якія вымушаны былі ўцячы ў Польшчу.
эж