Сёння ў Польшчы пачалася вакцынацыя ад каранавіруса людзей, якія пражываюць у дамах-інтэрнатах для грамадзян пажылога ўзросту і інвалідаў. Пастаяльцы дамоў не мусяць іх пакідаць: медыцынскія брыгады прыязджаюць на месца для правядзення вакцынацыі. Міністэрства па пытаннях сям'і і сацыяльнай палітыкі Польшчы паведаміла, што на вакцынацыю згадзілася больш за 70% жыхароў дамоў састарэлых. Паводле планаў, вакцынацыя жыхароў дамоў для пажылых грамадзян працягнецца да 22 студзеня.
У Польшчы вакцынацыя ад каранавіруса SARS-CoV-2 падзеленая на чатыры этапы. Актуальна адбываецца вакцынацыя грамадзян у рамках нулявога этапу: гэта медыкі і супрацоўнікі службы аховы здароўя, жыхары і працаўнікі дамоў для пажылых людзей, а таксама некаторыя іншыя катэгорыі людзей.
вс