На гэтым тыдні Еўрапейскае агенцтва па леках павінна зацвердзіць амерыканскую вакцыну Johnson & Johnson, паведаміў у эфіры TVP 1 кіраўнік канцылярыі прэм'ер-міністра Міхал Дворчык(Michał Dworczyk):
- Мы даведаліся, што існуе шанец на тое, што Еўрапейскае агенцтва па леках яшчэ на бягучым тыдні зацвердзіць вакцыну Johnson & Johnson. Магчыма, гэта адбудзецца 11 сакавіка. Гэта станоўчая навіна, якая азначае, што Польшча магла б атрымаць гэтую вакцыну ў другім квартале. Нагадваю, пацыентаў дастаткова прывіць адной дозай згаданага прэпарата, таму і ўвесь працэс вакцынацыі прасцейшы.
На сённяшні дзень у Еўрапейскім Саюзе дазволены тры вакцыны: BioNtech/Pfizer, Astra Zeneca і Moderna. На зацвярджэнне ЕС чакаюць таксама два іншыя прэпараты: амерыканская вакцына Novavax і нямецкая Curevax.
Сёння ў Польшчу былі дастаўленыя больш за 740 тысяч доз вакцыны супраць COVID-19 канцэрнаў Astra Zeneca і Pfizer. На гэтым тыдні таксама плануецца пастаўка ад трэцяга вытворцы – канцэрну Moderna. Гаворка ідзе пра 200 тысяч доз вакцыны.
аз