У мінулыя выхадныя пажарныя каманды па ўсёй краіне тушылі больш за 1,5 тысячы пажараў сухой травы і кустоў. Найбольш працы мелі пажарныя каманды ў Мазавецкім, Падкарпацкім, Малапольскім, Сілескім і Люблінскім ваяводствах.
Асабліва буйны пажар успыхнуў учора ў ваколіцах Зялёнкі ля Варшавы, кажа прэс-сакратар Мазавецкай пажарнай службы Караль Кежкоўскі:
- Задзейнічаныя былі 30 пажарнікаў і шэсць пажарных машынаў, а таксама самалёт прадпрыемства „Дзяржаўныя лясы”, які таксама дапамагаў тушыць лес. Нагадваю, пажары лесу ці сухой травы вельмі небяспечныя, паколькі звязаныя са шматлікімі пагрозамі.
З пачатку года пажарныя службы ў Польшчы зафіксавалі амаль 9 тысяч пажараў сухой травы і папараў.
аз