Апошнім часам у Польшчы актыўнасць каранавірусу ідзе на спад, але жыхары краіны апасаюцца новых разнавіднасцяў інфекцыі. Па словах Галоўнага санітарнага інспектара Кшыштафа Сачкі (Krzysztof Saczka), індыйскі варыянт віруса даўно ўжо ёсць у польскім грамадстве. Пры гэтым, дадзеная разнавіднасць не распаўсюджваецца вельмі хутка.
- Калі прасочым шляхі заражэння, то заўважым, што гэта людзі, якія нідзе не выязджалі і не мелі кантакту з прыезджымі. Так што новая разнавіднасць ужо ёсць у нашым грамадстве. Пры гэтым, у нас апошнім часам мала новых выпадкаў інфекцыі, гэта значыць, што ў нашым грамадстве няма хуткага распаўсюду мутацыі.
У сувязі з распаўсюдам індыйскага варыянту каранавірусу па свеце, з поўначы змяніліся правілы каранціну для людзей, якія прыязджаюць у Польшчу звонку Шэнгенскай зоны. Такія асобы павінны прайсці 10-дзённы каранцін. Каранцін можа закончыцца праз 7 дзён, пры ўмове адмоўнага выніку тэсту.
iar/нг