Першая лэдзі Агата Корнхаузер-Дуда падтрымала калядную дабрачынную акцыю Польскага радыё, у рамках якой прадметы, ахвяраваныя знакамітасцямі шоў-бізнэсу, артыстамі і зоркамі спорту, выстаўляюцца на аўкцыён у эфіры грамадскага вяшчальніка на карысць людзей у патрэбе.
Падчас сустрэчы са старшынёй праўлення Польскага радыё Агнешкай Каміньскай у чацвер, 25 лістапада Корнхаўзер-Дуда прадставіла два ўласныя прадметы для штогадовага збору сродкаў Choinki Jedynki, якому цяпер спаўняецца 20 гадоў.
Сродкі, сабраныя падчас акцыі, пойдуць у два дабрачынных фонды, у тым ліку ў той, якім кіруе вядомая актрыса Анна Дымна і які называецца Mimo Wszystko («Нягледзячы ні на што»).
Збор сродкаў уключае ў сябе аўкцыён твораў мастацтва, створаных дзецьмі да Калядаў.
iar/эж