Польскі амбудсмэна Марцін Вёнцэк у размове з газетай Fakt заявіў, што папраўкі ў закон аб СМІ выклікаюць шмат супярэчнасцяў.
«Калі дадзены закон уступіць у сілу цяпер, то на працягу шасці месяцаў тэлеканал TVN, або, дакладней, група TVN, павінна будзе ажыццявіць істотнае пераўтварэнне сваёй маёмаснай структуры. TVN мае канцэсію на 10 гадоў. І вось з-за змяненняў у законе ў перыяд дзеяння канцэсіі мяняюцца яе ўмовы. Так не павінна адбывацца. Медыярынак мае важнае значэнне для абароны свабодаў і правоў чалавека, а свабода СМІ з'яўляецца адной з асноў любой дэмакратыі. Таму на медыярынку павінна панаваць давера да закона», – заявіў у размове з газетай Fakt амбудсмэн Польшчы Марцін Вёнцэк.
На пытанне, што б ён параіў зрабіць па гэтым пытанні прэзідэнту Дудзе, амбудсмэн адказаў: «На мой погляд, закон у цяперашнім выглядзе не павінен уступаць у сілу. Таму я б прапанаваў скарыстацца паўнамоцтвамі прэзідэнта, каб не дапусціць уступлення гэтага закона ў сілу, у прыватнасці, ён мог бы скарыстацца заканадаўчым вета».
Упаўнаважаны ўрада Польшчы па правам чалавека падкрэсліў, што дадзены закон у значнай меры не адпавядае нормам свабоды СМІ, пісалі ў выданні Fakt.
Нагадаем, паводле папраўкам да прынятага Сеймам закона аб СМІ, замежныя кампаніі, якія знаходзяцца па-за межамі Еўрапейскай эканамічнай зоны, не маюць права трымаць кантрольны пакет акцый у польскіх СМІ. У прыватнасці, гэта тычыцца вядучага польскага апазіцыйнага тэлеканала TVN, якім валодае амерыканская кампаніі Discovery. Дадзеныя заканадўчыя змены ўжо выклікалі вострую рэакцыю афіцыйных асобаў ЗША, а ў выходныя па ўсёй Польшчы пракаціліся масавыя акцыі пратэсту ў абарону свабоды слова і СМІ.
эж