Беларускія службы і мігранты выкарыстоўваюць новую тэхніку незаконнага перасячэння мяжы, паведаміла прэс-сакратар Польскай памежнай службы Анна Міхальска.
Паводле памежнікаў, да гэтай пары мігранты спачатку збіраліся ля агароджы, а потым разам напалі на функцыянераў, кідаючы ў іх камяні і бярвёны. Зараз іх спосаб дзеяння памяняўся.
«Цяпер яны ціха падыходзяць да мяжы, хутка пераразаюць канцэрціну і паасобку пераходзяць на польскі бок. Калі польскія функцыянеры пачынаюць іх лавіць, тады пачынаецца таксама калектыўная агрэсія з беларускага боку. У бок палякаў, як замежнікі, так і беларускія службы кідаюць камяні і бярвёны », – сказала Анна Міхальска.
Паводле яе, менавіта такая тактыка была зафіксаваная ноччу ля вёскі Чарэмха, дзе агароджу фарсіравалі 49 агрэсіўных замежнікаў – самі мужчыны. Усе яны былі затрыманыя і развернутыя на памежную лінію.
Памежная служба паведаміла, што за мінулыя суткі 56 чалавек спрабавалі незаконна перасячы польска-беларускую мяжу.
Летась польскія памежнікі зафіксавалі амаль 40 тысяч спробаў нелегальнага перасячэння польска-беларускай мяжы.
PAP/аз