У рамках святкавання 80-годдзя перайменавання Саюза ўзброенай барацьбы ў Армію Краёву сёння пройдзе сімвалічная акцыя запальвання «агеньчыкаў памяці».
Марыя Калтуноўская з прэс-службы Войскаў тэрытарыяльнай абароны кажа, што такая акцыя — сімвалічная падзяка героям, якія змагаліся і загінулі за свабоду Радзімы:
-Мы паставім агеньчыкі памяці на магілах жаўнераў АК. Жаўнеры будуць запальваць агеньчыкі ў сваіх батальёнах, у сваіх мясцовасцях на месцах баёў, ці месцах, якія ўшаноўваюць памяць жаўнераў АК.
Войскі тэрытарыяльнай абароны ад самага пачатку прытрымліваюцца традыцыі Арміі Краёвай. Асобныя брыгады носяць імёны гераічных камандзіраў Арміі Краёвай, а самі салдаты часта падкрэсліваюць, што яны спадчыннікі традыцыі барацьбы за свабоду і дзяржаўную незалежнасць.