У 83-ю гадавіну агрэсіі СССР супраць Польшчы прэзідэнт Анджэй Дуда напісаў, што сёння для народаў нашага рэгіёну няма сумневу ў тым, што імперская Расія зноў імкнецца да экспансіі ў іншых краінах.
У артыкуле, апублікаваным у сусветнай прэсе, прэзідэнт падкрэсліў, што «дата агрэсіі Савецкага Саюза супраць Польшчы – 17 верасня 1939 года – не так шырока вядома на Захадзе. Таму я лічу, што пра гэта таксама неабходна пастаянна нагадваць пра гэту падзею, якая вырашыла лёс маёй Радзімы, як і іншых краінаў Цэнтральнай і Усходняй Еўропы – і на ўсё наступнае паўстагоддзе, бо калі сёння мы, палякі і іншыя народы нашага краю, часта сцвярджаем, што ведаем Расію і разумеем яе імперскую матывацыю лепш, чым Захад, то мы гаворым так менавіта таму, што ў нас ёсць гістарычны вопыт, сімвалізаваны 17 верасня».
Анджэй Дуда піша, што найважнейшым наступствам пакту для польскай нацыі была сумесная ліквідацыя незалежнай польскай дзяржавы і падзел тэрыторыі паміж двума акупантамі: нацысцкай Германіяй і камуністычнай Расіяй.
Анджэй Дуда дадае, што «незалежнасць краінаў нашага рэгіёну заўсёды была соллю ў воку расійскіх імперыялістаў».
ав