Сёння ў Польшчы стартавала латарэя ў рамках праграмы Міністэрства аховы здароўя «Прафілактыка 40 плюс», якая заахвочвае палякаў рабіць медыцынскія агляды. Падчас пандэміі доступ да медыцынскай дапамогі і аналізаў быў абмежаваны, таму цяпер так важна кампенсаваць гэты час і праходзіць прафілактычныя агляды, паведаміў прэс-сакратар Міністэрства аховы здароўя Войцех Андрусевіч.
У рамках латарэі можна выйграць, ваўчары на розныя віды спартыўных заняткаў і экскурсіі, ровары, бегавыя дарожкі і прыборы, якія дапамогуць рыхтаваць здаровую ежу.
Латарэйны білет можна атрымаць ужо за само запаўненне анкеты для ўдзелу ў праграме, напрыклад, праз інтэрнэт-акаўнт пацыента.
У рамках латарэі запланавана шэсць розыгрышаў – першы адбудзецца 15 лютага, а апошні – 7 чэрвеня бягучага года.
Прызавы фонд латарэі складае 3,5 мільёна злотых. Дадатковую інфармацыю можна знайсці на: gov.pl/profilaktyka, podajdalejzdrowie.pl.
IAR/аз