У заяве гаворыцца, што МЗС з найвялікшым абурэннем прыняло інфармацыю пра рашэнне гродзенскага суда, які прысудзіў аднаго з лідараў Саюза палякаў Беларусі Анджэя Пачобута да 8 гадоў пазбаўлення волі.
«Палітычна матываваны паказальны суд і сённяшні прысуд з'яўляюцца яскравым сведчаннем антыпольскіх дзеянняў беларускіх уладаў. Мы асуджаем несправядлівы прысуд, вынесены судом аўтарытарнай дзяржавы. Анджэй Пачобут – польскі і беларускі патрыёт. Мы за ім».
Польскі МЗС сцвярджаае, што сістэмная дыскрымінацыя польскай нацыянальнай меншасці ў Беларусі, якая цягнецца шмат гадоў, завяршылася сёння скандальным шматгадовым турэмным прысудам арыштаванаму амаль два гады таму польскаму актывісту. Мы не згодныя з выкарыстаннем палякаў, якія жывуць у Беларусі, у якасці палітычных закладнікаў.
«Мы заклікаем да неадкладнага і безумоўнага вызвалення Анджэя Пачобута, а таксама іншых актывістаў Саюза палякаў, у тым ліку Анжалікі Борыс, і ўсіх іншых палітычных зняволеных у Беларусі».
Польшча ў чарговы раз запатрабавала ад беларускіх уладаў выконваць дзеючыя нормы міжнароднага права і двухбаковых пагадненняў. І заклікала спыніць дзеянні, накіраваныя супраць польскай нацыянальнай меншасці.
яс