Міністр нацыянальнай абароны Польшчы сустрэўся ў Берліне са сваёй нямецкай калегай Анегрэт Крамп-Карэнбауэр. Як падкрэсліў Марыюш Блашчак (Mariusz Błaszczak) пасля сустрэчы, галоўнай тэмай перамоваў стала супрацоўніцтва ў рамках НАТО.
„Мы размаўлялі пра выклікі, якія стаяць перад НАТО. Гэта перш за ўсё выклікі, звязаныя з агрэсіўнай палітыкай Расеі. Гэта была асноўная тэма нашай размовы. Мне вельмі прыемна, што я быў першым афіцыйным госцем новай нямецкай міністар. Наогул, гэта была нашая другая размова. Раней мы размаўлялі па тэлефоне. Мы (Польшча і Германія – рэд.) суседзі, якія цесна супрацоўнічаюць адзін з адным”, - сказаў Марыюш Блашчак.
Нагадаем, нейкі час таму амерыканскі амбасадар у Нямеччыне папярэдзіў, што калі краіна надалей не будзе выконваць сваіх абавязацельстваў па прызначэнні 2% ВУП на абарону, амерыканцы могуць перакінуць частку сваіх войскаў з Нямеччыны ў Польшчу.
аз