Украінскі суд спыніў разгляд справы, датычнай дэкларацыі аб маёмасці Славаміра Новака (Sławomir Nowak).
На пачатку верасня Украінскае агенцтва па прадухіленні карупцыі падало ў суд на былога кіраўніка прадпрыемства „Украўтадор”.
Паводле агенцтва, у дэкларацыі аб маёмасці Славамір Новак падаў несапраўдныя звесткі пра сродкі на сваіх банкаўскіх рахунках і кошт свайго аўтамабіля.
Славамір Новак апублікаваў у інтэрнэце копію пастановы ўкраінскага адміністрацыйнага суда. Паводле яе, суд пагадзіўся з тлумачэннем Новака, што кошт яго аўтамабіля быў пададзены на падставе лізінгавага дагавора.
Суд таксама заявіў, што хоць рэальная сума сродкаў на рахунку былога кіраўніка „Украўтадора” была вышэйшы, чым у заяве, то розніца знаходзіцца ў межах, дапушчаных украінскім заканадаўствам.
Міністр транспарту ва ўрадзе Дональда Туска напрыканцы верасня сышоў з пасады кіраўніка прадпрыемства „Украўтадор”, якое адказвае за дарожную інфраструктуру ва Украіне. Ён займаў гэтую пасаду з 2016 года.
аз