Улады Грузіі занепакоеныя працэсам знішчэння грузінскай культуры ў акупаваных Расіяй Абхазіі і Паўднёвай Асеціі. Ужо на працягу некалькі дзён пра абвастрэнне працэсу знішчэнне грузінскай культуры і абмежаванне мовы ў сепаратысцкай Паўднёвай Асеціі паведамляюць мясцовыя СМІ.
Прычынай гэтых паведамленняў стала рашэнне самаабвешчаных уладаў у Цхінвалі прыбраць з аптэк і крамаў медыкаменты і прадукты з грузінскімі надпісамі. «Працэс знішчэння нашай культуры на акупаваных тэрыторыях працягваецца ўжо даўно», – адзначыў у гутарцы з Польскім радыё паўнамоцны прадстаўнік грузінскага ўрада па кантактах з Расіяй Зураб Абашыдзэ:
-Закрыццё грузінскіх школаў, перайменаванне вёсак і пасёлкаў і цяжкае становішча грузінскіх манастыроў. Большая частка грузінскага насельніцтва была выгнана з тых зямель, гэта трагедыя кранула сотняў тысяч людзей.
Паўнамоцны прадстаўнік грузінскага ўрада па кантактах з Расіяй Зураб Абашыдзэ тлумачыць, што расійскі бок знаёмы з гэтымі праблемамі, бо атрымлівае скаргі ад уладаў у Тбілісі, але не робіць ніякіх дзеянняў. Грузінскі дыпламат нагадаў, што Расія мае ў Абхазіі і Паўднёвай Асеціі шматтысячныя вайсковыя кантынгенты, якія гарантуюць Маскве кантроль над гэтымі грузінскімі тэрыторыямі.
IAR/эж