Аналізы, праведзеныя пад эгідай Сусветнай арганізацыі аховы здароўя, не пацвердзілі, што супрацьвірусны прэпарат рэмдэсівір скарачае шпіталізацыю або змяншае рызыку смерці ад COVID-19. Гэта супярэчыць даследаванню, праведзенаму ў ЗША і апублікаванаму некалькі дзён таму.
Вытворца прэпарата, амерыканская кампанія Іlead сцвярджае, што яе даследаванне з'яўляецца больш надзейным і праводзіцца ў адпаведнасці з прынцыпамі т.зв. падвойнай пробы.
Рэмдэсівір – супрацьвіруснае лякарства, першапачаткова прызначанае для лячэння ліхаманкі, выкліканай эболай. З пачаткам пандэміі яно пачало выкарыстоўвацца ў пацыентаў з хваробай COVID-19. Прэпарат атрымліваў між іншым прэзідэнт ЗША Дональд Трамп падчас хваробы.
Аднак невядома, наколькі гэты лек эфектыўны. Згодна з апошнімі даследаваннямі пад патранажам Сусветнай арганізацыі аховы здароўя (СААЗ), рэмдэсівір і тры іншыя прэпараты, такія як гідраксіхларахін, камбінацыя супраць ВІЧ-прэпаратаў лопінавір і рытанавір, а таксама інтэрферон не зніжаюць або толькі нязначна зніжаюць рызыку смерці ў пацыентаў з COVID-19 і не скарачаюць іх знаходжанне ў бальніцах.
Даследаванне ахапіла 11 266 чалавек з больш чым 30 краін.
нг