Разбудова АЭС у чэшскіх Дукованах можа зацягнуцца. Прычына – перасцярогі аб бяспецы краіны. Парламенцкая апазіцыя хоча выключыць з тэндару кітайскія і расійскія кампаніі. Аб магчымай пагрозе паведамляюць і спецслужбы.
Тэндар на будаўніцтва новага блока АЭС ў Дукованах павінен быў быць абвешчаны ў канцы 2020 года. Аднак аб канчатковай форме конкурсу да гэтага часу няма пагаднення паміж урадам і дзяржаўнай кампаніяй ČEZ, якой належыць АЭС.
Рабочая група, якая складаецца з прадстаўнікоў чэшскай контрвыведкі міністэрствы замежных спраў і ўнутраных спраў, лічыць, што на цяперашнім этапе тэндарная дакументацыя не ўлічвае ў дастатковай ступені бяспеку Чэхіі.
Сумневы выклікае магчымы ўдзел у тэндары кампаній з Расіі і Кітая. Рэзалюцыю аб іх выключэнні з конкурсу прыняла камісія па замежных справах, абароне і бяспецы Сената Чэшскай Рэспублікі, якая знаходзіцца ў апазіцыі ўраду прэм'ер-міністра Андрэя Бабіша.
Сам прэмʼер прызнае, што рашэнне аб пашырэнні АЭС у Дукованах не павінна прымацца за 10 месяцаў да выбараў у парламент. Андрэй Бабіш таксама чакае завяршэння кансультацый па гэтым пытанні з Еўрапейскай Камісіяй.
PAP/эж