Еўрапейскі парламент заклікае ўзмацніць санкцыі супраць Расіі і спыніць будаўніцтва Nord Stream 2, пра праект рэзалюцыі па гэтай справе паведамляе грамадскае Польскае радыё. Гэта рэакцыя на арышт апазіцыянера Аляксея Навальнага ў Маскве ў нядзелю.
Дакумент быў узгоднены большасцю палітычных груп, а галасаванне па яго справе павінна адбыцца падчас заўтрашняга пленарнага паседжання Еўрапейскага парламента ў Бруселі.
Еўрадэпутаты лічаць, што абмежаванні павінны распаўсюджвацца не толькі на асоб, адказных за арышт Навальнага, але таксама на алігархаў, звязаных з рэжымам у Расіі, і блізкіх паплечнікаў Уладзіміра Пуціна, якія маюць актывы і рахункі ў еўрапейскіх банках і свабодна выязджаюць у дзяржавы-члены. Еўрапарламент патрабуе, каб санкцыі распаўсюджваліся і на членаў іх сем'яў.
Дэпутаты таксама заклікаюць дзяржавы-члены перагледзець супрацоўніцтва з Расіяй. Гэта датычыць розных сфераў замежнай палітыкі і такіх праектаў, як Nord Stream 2, будаўніцтва якога, паводле еўрадэпутатаў, неабходна неадкладна спыніць.
аз